अडानी हान्जाया रांखान्थियारि बोसोर 25 मायथाइयाव 74,945 कौटि रां खाजोना होयो

अडानी ग्रुपआ गावनि फारिलाइ खालामजानाय कम्पानिफोरनि पर्टफ'लिय'नि गेजेरजों रांखान्थियारि बोसोर 25 मायथाइयाव राजबाख्रियाव 74,945 कौटि रां बिहोमा होदोंमोन - जाय थांनाय बोसोरनि 58,104 कौटि रांनि अनजिमानि रुजुनायाव 29 जौखोन्दो बांदों, जेरै हानजाया बृहस्पतिबाराव फोसावदोंमोन। 

गासै बिहोमाफोराव, थोंजों खाजोनाया 28,720 कौटि रां, खेंस्लायै खाजोनाया 45,407 कौटि रां आरो गुबुन बिहोमाफोरा 818 कौटि रांसिम दाजाबदेरनाय जादोंमोन।

बेखौ सोमोन्दोआव लाखिनो थाखाय, बे राङा गासै मुम्बाइ मेट्र' नेटवर्क लुनायनि अनुमान खालामनाय खरसाजों रुजुजाथाव आरो आथिखालनि अलिम्पिक गेम्सनि राङारि मददनि थाखाय फ्राय थोजासे। बे अनजिमाफोरखौ अडानी ग्रुपनि सिङाव मोनस्नि रायजोआरि महरै फालांगि खालामग्रा कम्पानिफोरनि बोसोरारि रिपर्टफोरनिफ्राय मोन्नाय जायो: अडानी एन्टरप्राइजेज, अडानी पर्ट्स आरो एसईजेड, अडानी ग्रीन एनर्जी, अडानी एनर्जी सलुशन्स, अडानी पावार, अडानी टोटल गेस आरो अंबुजा सीमेंट्स। गासै बिबाङा एन.डि.टि.भि., ए.सि.सि. आरो सांघी इन्डास्ट्रीजजों होजानाय खाजोनाफोरखौबो लाफायो, जाय मोनस्नि गुदि आफादफोरनि बिगोमा।

ALSO READ: अडानी आ मोनद' बिरखं गाथोनफोरखौ फेहेरनो थाखाय 750 मिलियन डलार रैखा खालामो।

हानजानि रायजोआरि फार्मफोरनि गेजेराव गाहाय बिहोमा होग्राफोरा अडानी एन्टारप्राइजेस लिमिटेड (एईएल), अडानी सिमेन्ट लिमिटेड (ए.सी.एल.), अडानी पर्ट्स एन्ड स्पेशियेल इक'नमिक जन (ए.पी.एस.ई.जेड) आरो अडानी ग्रीन एनर्जी लिमिटेड (ए.जी.ई.एल.)। हानजाया गावनि मावख'आरि वेबसाइटफोराव 'बेसिस अफ प्रिपेयारिं एन्ड एप्रच टु टेक्स' मुंनि मोनसे खाख्रिबो फोसावदों, जाय बैफोर अनजिमानि उननि आदबखान्थिखौ बेखेवना होयो। रिपर्टआ खाजोनाफोरखौ मोनथाम थाखोआव रान्नाय जादों: थोंजों बिहोमाफोराव मुलुगनां खाजोना, बिबान आरो अडानी कम्पानिफोरजों थोंजोङै होजानाय गुबुन बेसेनफोर दं।

खेंस्लायै बिहोमा: खाजोना आरो मावनांगौ हाबाफोर जायखौ गुबुन बाहागोआरिफोरनि जानानै बुथुमनाय आरो होनाय जायो। गुबुन बिहोमाफोर: मावफारियाफोरजों सोमोन्दो गोनां बेसादफोर, जेरै समाजारि रैखाथि मुलाम्फाफोर। अडानी हान्जाया खाजोनानि रोखाथिखौ गावनि आबहावारि, समाजारि आरो खुंथाइ (इ.एस.जि.) मावखान्थिनि मोनसे गुदि बिथिं महरै आखुथाय होयो। "बे गोसोबादि हाबाफारिजों, हानजाया रोखाथिनि थाखाय गावनि बावसोमनायखौ दिन्थिनो सानदों, स्टेकहोल्डरफोरजों फोथायथि लाबोनो आरो मोनसे बांसिन बिबानगोनां बुहुमनां खाजोना फ्रेमवर्क सोरजिनायाव हेफाजाब होनो सानदों," बिबुंथियाव मख'नाय जादों।

हानजाया बुङो दि बेयो गोलाव समनि समाजारि बिबान, गोदान दिहुनथाय आरो बेसेन सोरजिनायजों लोगोसे फालांगियारि जौगानायनि सारिखौ गोनांथि होबाय थायो - गाहाय महरै भारतनि बिथायारि सानज'थाय नुथायखौ गोदान महर होनायनि सोमोन्दोआव।