इडिआ आसाम, मेघालयआव आयेन बेरेखा खैला खनि, सिन्डिकेटखौ संदानदों

इनफर्समेन्ट डाइरेक्टरेट (ईडी) आ आसाम आरो मेघालयआव आयेन बेरेखा खैला फालांगिखौ हमनो हादों, बेनि अनगायैबो खैलाजों बुंफबनाय ट्राकफोरनि 'सिमा गनायथि' नि थाखाय खनि बिगोमाफोरनिफ्राय फ्राय 1.27 लाख रांनिफ्राय 1.50 लाख रांसिम रां बानायग्रा मोनसे जौगाफुनाय सिन्डिकेटनि रां खामायदों।

ईडीनि शिलं साब जोनल मावख'आ मेघालयआव सोलिबाय थानाय आयेन बेरेखा खैला खनन आरो आयेन बेरेखा क'क प्लान्टफोरनि सोमोन्दोआव बृहस्पतिबाराव जाडिजिटिम, नंगलबिब्रा, जगीगोफा (बंगाइगांव), मार्घेरिटा (तिनसुकिया) आरो गुवाहाटीनि मोन 15 थावनिफोराव रां जाख्ल'नाय होबथानाय आयेन (पि.एम.एल.ए.), 2002 नि राहाफोरनि सिङाव नायबिजिरदोंमोन। नागिरनाय समाव, ईडीनि हानजाया डायरी/लेजारजों लोगोसे डिजिटेल आयजेंफोर आरो दायगोनां फोरमानलाइफोर मोन्दोंमोन। बिथांमोनहा गाहाय सुबुंफोरनि बिबुंथिफोरखौ रेबगान्थि खालामदोंमोन, जायफोरा फोरमायदोंमोन दि थांनाय जि बोसोराव खनिनि सायाव होबथानायनि उनावबो, आयेन बेरेखा रैट-ह'ल खनिखौ मानसि नङै थासारियाव आरो आयेन बेरेखा खनिफोरनि थाखाय जेबो रैखाथि राहा गैयाजासे गोख्रोङै खालामनाय जादों।

ईडीआ मेघालयआव आइ.पि.सि., 1860 नि गुबुन गुबुन धाराफोरनि सिङाव रेबथुमनाय एफ.आइ.आर. नि बिथायाव नायबिजिरनाय जागायदोंमोन। एम.एम.डी.आर. एक्ट, 2015; आबहावा (रैखाथि) आयेन, 1986; बेरफ्रुग्रा मुवा आयेन, 1883; आरो बेनामी ट्रेन्जेकसन (होबथानाय) आयेन, 1988।

नागिरनाय समाव, ईडीनि हानजाया मोननो हादोंमोन दि सामलायगिरिफोर, सरदारफोर आरो मावसाफोरा खोला गार' हिल्सनि जाडिजिटिमनि ओनसोलाव गोजाम आगजुफोरखौ बाहायनानै आयेन बेरेखा खैला जावखांनायाव नांथाबना दंमोन। हानजाया नुदोंमोन दि एरा एनिं आरो गरें ओनसोलफोराव आयेन बेरेखायै 20 सो खनिफोर सालायनाय जादों। माखासे मावसाफोरखौ गावसोरनि सिनायथि/हायुंआरि सन्देह'आव जाथायखौ नायबिजिरनो थाखाय जायगायारि पुलिसनो गथायना होनाय जादोंमोन।

ईडीनि नायबिजिरनायाव बेखौबो मिथिनो मोनो दि मेघालय आरो आसामनि सुबुंफोर थानाय मोनसे सिन्डिकेटआ बेखौ थि खालामनायनि बिबान दं दि आयेन बेरेखा खैला गोनां ट्राकफोरा मेघालयनि सिमाफोरखौ लांदां खालामो आरो जेबो नायबिजिरनाय एबा हेंथा गैयाजासे आसामाव हाबफैयो, जेराव बेखौ आयेन बायदियै जावखांनाय खैला महरै दिन्थिनो थाखाय लेखा बिलाइफोर थियारि खालामनाय जादोंमोन। सिन्डिकेटआ खनि बिगोमाफोरनिफ्राय कमीशन/सुंथानायनि मुङाव गंफ्रोम ट्राकआव 1.27 लाखनिफ्राय 1.50 लाख रां लायोमोन। आयेन बेरेखायै जावखांनाय खैलाखौ आसामनि बंगाइगाव जिल्लानि जगीघोपानि डिप'फोराव दोनथुमनाय जादोंमोन। ईडीनि फुंखाफोरनि बायदिब्ला, बिनि उनाव, खैलाखौ सिमेन्ट दारिमिन, इथा भाटा, लहा आरो स्टील दारिमिन आरो आयेन बेरेखा क'क प्लान्टफोर बायदि गुबुन गुबुन दारिमिनफोराव दैथायहरनाय जायो। आयेन बेरेखायै जावखांनाय खैलानि माखासे बाहागोखौ सा-सानजा ओनसोलनि डिप'निफ्राय थोंजोङै आयेन बेरेखा क'क प्लान्टसिम दैथायहरनाय जायोमोन।

ALSO READ: एफ.आइ.आइ. फैफिन्नायाव डलारनि रुजुनायाव रांनि बेसेना बांदों, इउ.एस. टेरिफ सावरायनाया आबेगखौ बांहोदों

ईडीनि हानजाया बेखौबो फोरमायदोंमोन दि जाय सुबुंफोरा आसामनि जगीघोपायाव डिपोखौ सालायो, बिसोरो नंखाय बिल/इनभइसनि फालांगियावबो लोब्बा दं, जायनि गेजेरजों आयेन बेरेखायै जावखांनाय खैलाखौ आसामाव माखासे आयेन बेरेखायै सामलायजानाय खनिफोरनिफ्राय बायनाय दिन्थिनाय जायो, जायनि जाहोनाव बेखौ मोनसे नंगुबै फालांगियारि लेनदेन बायदि नुनो मोनो। बांसिन ट्रेन्जेकसनफोरा बैफोर अपारेटरफोरनि गेजेरजों नोगोद रांजों जायो, आरो बेनि थाखाय नंखाय बिल/इनभइस सोरजिनाय जायो जाहाथे बिसोरनो नंगुबै लेनदेननि गाब होयो।

ईडीनि हानजाया बेखौबो फोरमायदोंमोन दि बे बिखान्थियाव सोमजिनाय नोगोद रांखौ सिन्डिकेटआ बुथुमदोंमोन आरो नोगोद रां सामलायगिरिफोरनि जायगायाव दोनथुमनाय जादोंमोन। बे नोगोद रां सामलायगिरिफोरखौ नागिरनाय जादोंमोन आरो नोगोद रां/बायजोआव थानाय डायरीफोरबो जब्द' खालामनाय जादोंमोन। बेखौबो मिथिनो मोननाय जादोंमोन दि खैला खनि बिगोमाफोर आरो सिन्डिकेटनि सुबुंफोरा तिनसुकियानि मार्घेरिटायाव आयेन बेरेखा खैला खनि सालायगिरिफोरजों गोरोबलायना बेखौ आयेन बायदियै मोन्नाय खनिफोरनिफ्राय जावखांनाय नुनो मोनो।

जब्द खालामनाय खाख्रिफोर आरो सामलायगिरिफोर, खनि बिगोमाफोर आरो मावसाफोरनि बिबुंथिफोरनिफ्राय बेखौ मिथिनो मोनो दि मोनफ्रोमबो खनिनिफ्राय सानफ्रोमबो गं 5-7 ट्राकफोरखौ ल'ड खालामनाय जायोमोन। मोनफ्रोमबो ट्राकआव आयेन बेरेखायै जावखांनाय 12-16 टन खैला थायो। बेनिखायनो, खोला गार' हिल्सनि एरा एनिं आरो गरें ओनसोलनिफ्राय सानफ्रोमबो जावखांनाय आयेन बेरेखा खैलानि गेजेरारि अनुमान सानसेयाव 1,200 टनसो। खनि बिगोमाफोरा गासैबो खरसाखौ सामलायनायनि उनाव गावसोरनि गासै मुलाम्फा महरै गंफ्रोम ट्राकआव 5,000-10,000 रां मोनोमोन।

नागिरनाय समाव, नोगोद 1.58 कौटि रां, लेपटप आरो मबाइल फन बायदि डिजिटेल आयजेंफोर आरो दायनि आयनिफ्राय बायनायनि सन्देह' गोनां गंनै गोजौ थाखोनि गारिफोरखौ जब्द खालामनाय जादोंमोन।