भारतआ राङारि बोसोर 2025 मायथाइयाव खैला लाबोनायखौ 9 जौखोन्दोनि बांसिन खम खालामदों, जायनि फिथाय महरै गुबुन हादोरारि सोलाय-सोल'आव 6.93 बिलियन डलार रैखा जादों।

भारतनि खैला लाबोनाया एप्रिल 2024 मायथाइनिफ्राय फेब्रुवारि 2025 मायथाइसिम 9.2 जौखोन्दो गाहायाव फैदों, जाय थांनाय बोसोरनि बे समावनो 242.6 मिलियन टन (एमटी) नि रुजुनायाव गासै 220.3 मिलियन टन (एमटी) मोन। खैला मन्थ्रि बिफाननि बायदिब्ला, बे मख'जाथाव खमायनायनि फिथाय महरै 6.93 बिलियन अमरीकी डालर (53,137.82 कौटि रां) नि गुबुन हादोरारि सोलाय सोल' दोनथुमनाय जादोंमोन, जाय गोहो गाव-सोनारनायनि फारसे मोनसे गेदेर आगानखौ दिन्थियो। मन्थ्रि बिफाना बुंदोंमोन दि सामलायजायै सेक्टराव बे बाङाइ जानाया बयनिख्रुइबो बांसिनमोन, जेराव लाबोनाया सिगांनि बोसोरनि रुजुनायाव 15.3 जौखोन्दो खम जादोंमोन।

मख'जाथावदि, खैलायाव बिथा खालामनाय मोब्लिब दिहुन्थाया 2.87 जौखोन्दो बांदोंब्लाबो, थार्मेल पावार प्लान्टफोरजों गलायनायनि थाखाय लाबोनाया फ्राय 39 जौखोन्दो गाहायाव फैदों, जाय बायजोनिफ्राय लाबोनाय खैलानि सायाव सोनारनायखौ बाङाय खालामनो हादोरनि गोसो होनाय नाजानायखौ दिन्थियो।

ALSO READ: बे सप्तायाव थावनि बेसेना बांनो हागौ होनना साननाय जादों, थेवब्लाबो जगायनाय बांनायनि जिंगाया बेसेननि सायाव नारसिनगासिनो दं

भारत सोरखारा नखरारि खैला दिहुन्थायखौ बांहोनो आरो बायजोनिफ्राय लाबोनायखौ बाङाय खालामनो थाखाय फालांगियारि खैला खनिनि आरो मिशन ककिं खैलाजों लोगोसे गोबां हाबाफारिफोर मावफुंदों। बेफोर नाजानायफोरा रांखान्थियारि बोसोर 2023-24 मायथाइनि बे समनि रुजुनायाव एप्रिल 2024 मायथाइनिफ्राय फेब्रुवारि 2025 मायथाइनि समाव खैला दिहुनथायाव 5.45 जौखोन्दो थुलुंगाखां बांहोदों। भारतनि खैला सेक्टरा बेनि गोख्रैयै जौगाफुनाय रांखान्थि बेबस्थाखौ हेफाजाब होनायाव मोनसे मख'जाथाव बिफाव लायो, जेराव खैलाया मोब्लिब, स्टिल, सिमेन्ट बायदि गोनांथार दारिमिनफोरनि थाखाय गुदि गोहोनि फुंखा महरै खामानि मावो। बबेखानि, हादोरा गावनि नख'रारि खैलानि गोनांथिखौ आबुं खालामनायाव मोनसे मख'जाथाव जेंनाजों मोगा-मोगि जानांदों, गाहाय महरै ककिं खैला आरो गोजौ-थाखोनि थार्मेल खैलानि थाखाय, जाय हादोरनि दोनथुमनायनि सिङाव थोजासे जगायनायाव दं। बेनि फिथाय महरै, स्टिलजों लोगोसे गाहाय सेक्टरफोरनि गोनांथिखौ आबुं खालामनो थाखाय खैला लाबोनाया गोनांथार जानानै दं।

खैला मन्थ्रि बिफाना नखरारि खैला दिहुन्थायखौ बांहोनो आरो मोनसे फोथायजाथाव जगायनायखौ रैखा खालामनो थाखाय सोलोआरि मावथांखिफोर लागासिनो दं, जाय खैला लाबोनायखौ बाङाय खालामनाय आरो गोहो रैखाथिखौ साबसिन खालामनो भारतनि थांखिफोरजों गोरोबो। नख'रारि खैला दिहुनथायखौ बांहोनायाव गोसो होनानै, सोरखारा मोनसे गावनो-थोजासे आरो गोजोर गोहो खान्थि गायसननानै विक्सित भारतनि थांखिनि फारसे दावगानो थांखि लादों, जाय गोलाव समनि रांखान्थियारि जौगानायखौ थुलुंगा होयो, जेरै खैला मन्थ्रि बिफाना बुंदों।