बुहुमनां - राजखान्थियारि जेंनानि बिथिङाव कलकाता रुंमा गाथोननि कार्ग' जौगानाय

श्यामा प्रसाद मुखर्जी रुंमा गाथोन (एसएमपी), कलकाताया रबिबाराव फोसावदोंमोन दि मुलुगनां राजखान्थियारि जेंनानि गेजेरावबो एप्रिल-मे 2025 मायथाइनि समाव कार्गो सामलायनायाव बोसोर-बोसोर 27.56 जौखोन्दो बांनानै रांखान्थियारि बोसोर 26 मायथाइखौ जागायजेनदों। मावख'आरिफोरनि बायदिब्ला, बे दाननैनि गेजेराव बे जाहाज गाथोना 11.252 मिलियन मेट्रिक टन (एमएमटी) कार्ग'खौ सामलायदोंमोन, जाय थांनाय बोसोरनि बे समावनो 8.821 एमएमटीनिफ्राय बांदों। गासै कार्ग'नि बिथिङाव, हल्दिया डक कमप्लेक्स (एच.डि.सि.) आ 8.139 एमएमटीखौ प्रसेस खालामदोंमोन, बबेखानि कलकाता डक सिस्टेमा (के.डी.एस.) 3.113 एमएमटीखौ सामलायदोंमोन। बेयो एच.डि.सि.आव 27.45 जौखोन्दो बांनाय आरो एप्रिल-मे 2024 मायथाइनि रुजुनायाव के.डी.एस.आव 27.84 जौखोन्दो बांनायखौ दिन्थियो, जेरै रुंमा गाथोना बुंदोंमोन। मावख'आरिफोरा बेखौबो बुंदोंमोन दि कलकातायाव थानाय दैमा सेरनि रुंमा गाथोना गुबुन गुबुन कार्ग' बाहागोफोराव मख'जाथाव जौगानायखौ मोन्दांनो हादोंमोन। एच.डि.सि.आ पेट्र'लियाम दिहुनथायफोर, गुबुन लावलाव मुवाफोर, मैगं-थाइगंनि थाव, बायदि रोखोमनि खैला, फ्लाइ एस आरो कन्टेनारफोरनि बांनाय बिबांनि फोरमायथि होदोंमोन।

ALSO READ: दिनै नोंथांनि सोहोराव सनानि बेसेन: 16 जुन

के.डी.एस.आ आबुं जानाय हासार, दालिफोर, जाग्रा माइरं, दंफां आरो कन्टेनार कार्ग'खौ बांसिन सामलायनायनि फोरमायथि होदोंमोन। बेजों लोगोसे, एच.डि.सि.आ बे समाव गिबि खेबनि थाखाय थार्मेल खैला, गोथां पेट्र'लियाम क'क आरो 29,000 टन लहा आरो स्टिलखौ सामलायदोंमोन। बे समावनो, के.डी.एस.आ ककिं खैला, दंफां आरो जाग्रा आदारफोराव गोदान बिबां रेबगान्थिदों - बेफोर बेसादफोर जायखौ थांनाय बोसोरनि एखे दानफोराव सामलायनाय जायाखैमोन। कन्टेनार ट्रेफिकनि बिथिङाव, जाहाज गाथोना एप्रिल-मे 2025 मायथाइनि समाव 153,037 टीईयूफोरखौ प्रसेस खालामदोंमोन, जाय थांनाय बोसोरनि बे समावनो सामलायजानाय 116,620 टीईयूनिफ्राय 31.23 जौखोन्दो बांदों। टीईयूनि ओंथिया नैजि-फुट समान इउनिट, जाय कन्टेनार जाहाज आरो टार्मिनेलफोरनि कार्गो गोहोखौ थि खालामनो थाखाय बाहाय जानाय सुनायनि मोनसे मानगोनां इउनिट। एच.डी.सी.आव कन्टेनार खारनाया बोसोर-बोसोर 76 जौखोन्दोनि बांसिन बांदों, बबेखानि के.डी.एस.आ 24 जौखोन्दोसो बांदों।