नागालेन्डनि फालांगिफोरा नोगोरारि जायगायारि आफादनि थान्दैनि हेंथायै 19 मेनिफ्राय बन्द जागोन।

नागालेन्डनि मोन 17 फालांगि आरो दारिमिन गौथुमफोरनि गेजेराव खमैबो मोनगुआ नोगोरारि जायगायारि आफादफोराव (ULBs) थान्दैनि दाबिखौ आबुं खालामनायाव रायजो सोरखारनि फेलें जानायनि बेरेखायै 19 मेनिफ्राय 'थि नङै समसिम गोसो जाना फालांगि बन्द खालामनाय' फोसावदों। कन्फेडरेशन अफ नागालेन्ड चेम्बर अफ कमार्स एन्ड इन्डास्ट्री (सी.एन.सी.सी.आई.) नि आफादगिरि खेकुघा मुरुआ मंगलबाराव फोसावो। गौथुमफोरा गोबाव समनिफ्रायनो गाव-गावनि इउ.एल.बि.आव मुं सायख'जानाय मासिफोर लानो नारसिनगासिनो दं। सि.एन.सि.सि.आइ.आ सिगाङाव बे एखे जाहोननि थाखायनो 24 एप्रिलाव रायजोनाङै फालांगि बन्द जागायदोंमोन, नाथाय नागालेन्ड सोरखारजों सावरायनायनि उनाव बेखौ दोनथ'नाय जादोंमोन।

ALSO READ: सनानि बेसेना दिनै: सनानि बेसेना मुलाम्फा बुकिंनि मोगामोगि जागासिनो दं आरो मोनफ्रोम 10 ग्रामआव 450 रां खमायदों, फारसेथिं रुपानि बेसेना किल'ग्रामाव 700 रां खमायदों।

मोनसे गौथुमनि सासे मावख'गिरिनि बायदिब्ला, बन्दनि जाहोनाव गोहोम गोग्लैनो हाथाव जिल्लाफोरनि मादाव दिमापुर, चुमौकेदिमा, निउलेन्ड, पेरेन, वखा, जुन्हेबट', फेक, सेमिन्यु आरो मेलुरी दं। बबेखानि, मुरुआ बुंदोंमोन दि बे सोमावसारनाया गोनांथार सिबिथायफोरखौ हेंथा होनाय नङा। 'बन्द खालामनाया सोरखारनि बेरेखा नङा। जों खालि जोंनि सुबुंखान्थियारि मोनथायफोरखौल' बाहायगासिनो दं। बाहागो लानाया गोसो बायदियै जानो थांगासिनो दं, 'मुरुआ गोसो होनानै बुंदोंमोन। थांनाय माखासे बोसोरफोराव सोरखारनो गोबां फोरमायथि होनायनि उनावबो, बिथाङा मुंख'दोंमोन दि जेबो गोख्रों फिन्नाय मोनाखै।