ONGC आ मोनसे खैफोदगोनां हानजा थिसनदों मानोना आसामाव गेस लिकआ बाथि सानावबो सोलिगासिनो दं

पेट्र'लियाम आरो मिथिंगायारि गेस मन्थ्रि हरदीप सिंह पुरीआ मंगलबाराव मुंख'दों दि बिथाङा गेस लिकेजखौ सामलायनो थाखाय आसामाव अ.एन.जि.सि.जों लाजानाय 'वेल कन्ट्रल' नाजानायफोरनि सोमोन्दै नायबिजिरदोंमोन आरो खौरां मोन्दोंमोन। एक्स ससियेल मिडिया प्लेटफर्मआव फोसावनाय मोनसे खौरांआव, मन्थ्रिआ बुंदोंमोन दि दैखरआव सरासनस्रा नङै गोजौ नारसिनथायनि फिथाय महरै थांनाय सानब्रैनिफ्राय गेसआ बोहैगासिनो दं।

जायगानि थागिरिफोरखौ गिबि सानाव गोख्रैनो बोखारनाय जादोंमोन आरो गासैबो गोनां रैखाथि आरो हेफाजाब मोनगासिनो दं। अ.एन.जि.सि.नि गुबुन खामानि मिरुफोरनिफ्राय रोंग'थि गोनां सुबुंफोरखौ लाबोनाय जादों, आरो गोहोगोरा अर पाम्प, फ्रेक पाम्प आरो हानि खान्थिफोरा अरखौ सामलायनो थाखाय गोख्रोङै खामानि मावगासिनो दं," पुरीआ बुंदोंमोन। मिरुआरि मन्थ्रिआ बेखौबो नोजोर होदोंमोन दि "जंक पाम्पिंग" जों लोगोसे जौगा आदबफोरखौ बाहायनाय जादों आरो अ.एन.जि.सि. नि मावख'गिरिफोरा गेजेर हायुंआरि रोंग'साफोरजों सोलिबाय थानाय सोमोन्दोआव दं।

बिथाङा मुंख'दोंमोन दि गुसु गोहोम होनो आरो अरखौ होबथानो थाखाय मोनसे दैनि कम्बलखौ लाखिबाय थादों।

अ.एन.जी.सी.नि बायदिब्ला, बेयो वेल  RDS#147 आव गेस सेरनायखौ होबथानो थाखाय जेथोगोनां मोजाङै सामलायनाय खामानिफोरखौ जाफुंसारै सामलायनायनि थाखाय मिथिजानाय मोनसे हानजा, गावनि बयनिख्रुइबो रोंग'थिगोनां क्राइसिस मेनेजमेन्ट टिम (सीएमटी) दैथायहरदों। अ.एन.जि.सि.नि गागि सामलायगिरिया अपारेसनखौ खाथिनिफ्राय आरो अरायसम नायगासिनो दं।

ALSO READ: दिनै नोंथांनि सोहोराव सनानि बेसेन: 17 जुन

भुमखौराङारि जेंनाफोरा थाव आरो गेस मावफुंनायनि मोनसे मिथिंगायारि बाहागो, आरो भारतनि गाहाय गोहो कम्पानी महरै, अ.एन.जि.सि.आ गोख्रों रैखाथि राहाफोरखौ मानियो। कम्पानीया बुंदोंमोन दि बिसोरो गेस सेरनायखौ जेसेबां हायो एसेबां थाब आबुङै सामलायनो थाखाय गासिबो हाथाव नाजागासिनो दं। जाथायनि उनाव, अ.एन.जी.सी.आ गोहोम गोग्लैनाय नखरफोरखौ रैखाथियै दिहुननो थाखाय जिल्ला खुंथायजों खाथियै खामानि मावदोंमोन, बिसोरनो रैखाथि गोनां थाग्रा खुलि, पुष्टिगोनां आदार, गोगो लोंग्रा दै आरो गोनांथार सानफ्रोमबोनि जगायथाय होदोंमोन।

रायजोआरि सावस्रिखौ रैखाथि होनो थाखाय, अ.एन.जि.सि.आ बेसेन नाङै फाहामथाय बादाफोर गायसनदों जाय 24/7 सालायो, देहा फाहामगिरिफोरजों लोगोसे मावफारियाफोर दं आरो गोनांथार मुलिफोर दं, गावनि गुवार जाब्रबथाय फिननाय नाजानायनि बाहागो महरै। अ.एन.जि.सि.आ रोखाथि आरो गोख्रै राहा लानायखौ रोखा खालामनो थाखाय जिल्ला आरो पुलिस मावख'गिरिफोर, फोसाव बिजों आरो जायगायारि सुबुं समाजनि दैदेनगिरिफोरजों लोगोसे गासैबो लोब्बा थानाय दोलोफोरजों सोलिबाय थानाय खौरां लाखिगासिनो दं।