SBI नि स्ट'कआ दिनै 3 बिलियन डलार बुथुमनायनि सानथांखियाव नोजोर होदों

SBI नि बाहागोआ 800.35 रांआव जोबदोंमोन, जाय बुधबाराव 0.19 जौखोन्दो खमायनायखौ दिन्थियो। दाहार होग्रानि मार्केट केपआ 7.14 लाख कौटि रांमोन।

हादोरनि बयनिख्रुइबो देरसिन बेंक स्टेट बेंक अफ इन्डिया (SBI)आ बुधबाराव फोसावदोंमोन दि बेयो सोलिफु राङारि बोसोराव रायजोआरि जासिनाय एबा गावारि प्लेसमेन्टनि गेजेरजों 3 बिलियन डलार बुथुमनो हागौ। SBI नि मिरुआरि ब'र्डनि मावफुं आफादा 20 मेआव रां बुथुमनायनि खाबुफोरनि सायाव सावरायनो थाखाय जथुमनायनि हाबाफारि दं।

गावनि रेगुलेटरि फाइलिंआव, SBI आ बुंदोंमोन दि कमिटिआ आथिखालनि थासारिखौ बिजिरगोन आरो मोनसे गोलाव समनि रां बुथुमनाय मावखान्थिनि सायाव थिरांथा लागोन, जेराव रांखान्थियारि बोसोर 2025-26 मायथाइनि समाव गागि रैखाथि गैयै न'टफोरनि गेजेरजों 3 बिलियन डलारसिम मोनसेल' एबा गोबां बाहागोफोर थाफानो हागौ।

SBI नि बाहागोआ 800.35 रांआव जोबदोंमोन, जाय बुधबाराव 0.19 जौखोन्दो खमायनायखौ दिन्थियो। दाहार होग्रानि मार्केट केपआ 7.14 लाख कौटि रांमोन।

ALSO READ: गुनाजित ब्रह्मआ 2030-35 मायथाइसिमाव गावनि आबाद-फालांगिनि रायजोआरि फारिलाइ खालामनो थांखि लादों।

जों सुबुरुन होयो दि बेंकनि सेन्ट्रेल ब'र्डनि मावफुं आफादनि मोनसे जथुमा मंगलबार, 20 मे 2025 खालि मुम्बाइआव जागोन, थासारिखौ नायबिजिरनो आरो रेग-S/144A नि सिङाव 3 बिलियन आमेरिकानि डलार (US$ 3 बिलियन) सिम गोलाव समगान्थि फान्ड बुथुमनायनि सायाव थिरांथा लानो थाखाय, मोनसे रायजोआरि जासिनाय आरो/एबा US डलार एबा जायखिजाया गुबुन हादोरारि रांआव गागि रैखाथि गैयै न'टफोरनि गावारि प्लेसमेन्टनि गेजेरजों रांखान्थियारि बोसोर 2025-26 नि समाव, SBI आ बुंदों।

मार्च 2025 मायथाइयाव जोबनाय ब्रैथि दानथामनि थाखाय गावनि बावैसोनि फोरमायथियाव, SBI आ स्टैन्डअलोन गासै मुलाम्फायाव 10 जौखोन्दो बाङाइ जानायखौ फोरमायदों, जाय 2023-24 मायथाइनि बे समावनो 20,698 कौटि रांमोन। बबेखानि, गासै आयआ बोसोर-बोसोर 1,28,412 कौटि रांनिफ्राय बांनानै 1,43,876 कौटि रां जाहैबाय, जेराव सुदनि आयआ 1,19,666 कौटि रांसिम सौहैबाय, जाय बोसोरसे सिगांनि 1,11,043 कौटि रांमोन।

जथाइ बिथायाव, बे दानथामनि थाखाय SBI नि गासै मुलाम्फाया 8 जौखोन्दो खमायनानै 19,600 कौटि रां जाहैदों, जाय थांनाय बोसोरनि बे समावनो 21,384 कौटि रांमोन। बबेखानि, गासै आयआ 1,64,914 कौटि रांनिफ्राय बांनानै 1,79,562 कौटि रां जाहैबाय। 2024-25 रांखान्थियारि बोसोरनि थाखाय, SBI आ स्टैन्डअलोन मुलाम्फायाव 16 जौखोन्दो बांनानै 70,901 कौटि रां जाहैदों, जाय सिगांनि बोसोरनि रुजुनायाव 61,077 कौटि रांमोन।