टोरेन्ट ग्रुपआ गुजरात टाइटन्सआव 67 जौखोन्दो बाहागो लायो; BCCI आ गनायथि होबाय

गुजरात टाइटन्सनि बाहागो: टोरेन्ट आरो इरेलियाया 12 फेब्रुवारियाव थि गोरोबथायाव सागान होनो फोसावदोंमोन, नेमखान्थि बायदियै जोबनाय सर्तफोर आरो गनायथिफोरनि सिङाव।

सावस्रि सिबिथाय आरो गोहो सेक्टरनि फालांगिफोरजों लोगोसे गुबुन गुबुन जथाय टोरेन्ट ग्रुपआ फोसावदोंमोन दि बियो इन्डियान प्रीमियार लीग (IPL) फ्रेन्चाइजी गुजरात टाइटन्सआव 67 जौखोन्दो बांसिन बाहागो आरजिनायखौ जाफुंसारै फोजोबबाय। 

गोनांथार गनायथि मोननायनि उनाव टोरेन्टआ इरेलिया कम्पानिनिफ्राय गुजरात टाइटन्सआव बाहागो लागोन।

बे समावनो, रिपर्टफोरा बुंदोंमोन दि भारतारि क्रिकेट कन्ट्र'ल बर्ड (BCCI) जायनि गनायथिखौ गोरोबथानि थाखाय गोनांथारमोन, बियो गनायथि होदों। 

टोरेन्ट आरो इरेलियाया 12 फेब्रुवारियाव थि गोरोबथाफोराव सागान होनो फोसावदोंमोन, नेमखान्थि बायदियै जोबनाय सर्तफोर आरो गनायथिफोरनि सिङाव। मानोना बेफोर सर्तफोरा आबुं जाबाय, आरजिनाया दा जाफुंसारै आबुं जाबाय। 

इरेलियाया गुजरात टाइटन्सआव 33 जौखोन्दो बाङाइ अनजिमानि बाहागो लाबाय थागोन, जाय IPL नि बयनिख्रुइ उन्दैसिन फ्रेन्चाइजीफोरनि गेजेराव मोनसे। बेखौ केप्तेन शुभमन गिलआ दैदेनदों आरो आशीष नेहराया फोरोंदों। गुजरात टाइटन्सआ गावसोरनि गिबि सिजनआव IPL बिमुं देरहादोंमोन आरो उननि सिजनआव रानार-आप जादोंमोन।

ALSO READ: डलारनि खमायनायजों भारतारि रांआ गोख्रोंसिन खुलिदों, 87 नि गाहायाव फालांगि खालामदों

फ्रेन्चाइजीआ गेदेर बिबांनि फालांगि लुनाय आरो सामलायनायाव टरेन्टनि गुवार रोंग'थिनिफ्राय मुलाम्फा जागोन होनना मिजिं थिनाय जादों। बे आरजिनाया बेबादि जादों मानोना टोरेन्टनि थांखिया भारतारि गेलेमु सोरबिथिं खान्थिखौ हेफाजाब होनायजों लोगोसे गावनि फालांगियारि मुलाम्फाफोरखौ गुबुन गुबुन खालामनाय। 

41,000 कौटि रांनि बांसिन खाजोना आरो 2 लाख कौटि रांनि हाथाइ फुन्जिजों टोरेन्ट ग्रुपआ फार्मासिउटिकेल, मोब्लिब दिहुन्नाय, गोसारहोनाय आरो राननाय आरो नोगोरारि गेस राननायाव मोनसे गाहाय गेलेगिरि। बेयो गासै भारतजों लोगोसे हादोर गेजेरारि थाखोआव 25,000 नि बांसिन सुबुंफोरनो खामानि होयो।