जि.एस.टि. पेनेला नागालेन्डआव फालांगियारि जेंनाफोरनि सायाव सावरायनो आरो 'जी.एस.टी. मित्र'खौ सिनायथि होनो थाखाय जथुम

2025-26 रांखान्थियारि बोसोराव नागालेन्डनि थाखाय जि.एस.टि. अजद निवारण आफाद (जी.आर.सी.) नि गिबि जथुमाया 12 जुनआव जादोंमोन, जायनि मासिगिरिया गाहाय कमिसनार सि.जि.एस.टि. एन्ड कास्टम, गुवाहाटी ज'न, एस.के. सिन्हानि मासि लादोंमोन। बे मेलाव कमिसनार सीजीएसटी दीमापुर एसके महन्त, स्टेट टेक्स कमिसनार नागालेन्ड अभिनव शिवमजों लोगोसे फालांगि आरो दारिमिन आफादफोर जेरै कन्फेडरेशन अफ नागालेन्ड चेम्बर अफ कमार्स एन्ड इन्डास्ट्रीज (सीएनसीसीआई), बिजनेस एसोसिएशन अफ नागास (बीएएन), दीमापुर चेम्बर अफ कमार्स एन्ड इन्डास्ट्रीज (डीसीसीआई) आरो यंग इन्डियान्स (यी) नागालेन्ड चेप्टरजों लोगोसे गागि मावख'गिरिफोरा बाहागो लादोंमोन।

बाहागो लागिरिफोरखौ बरायनानै, उफ्रा कमिसनार सीजीएसटी, शशी वापांग लानुआ गोसो होनानै बुंदोंमोन दि दानथामारि जीआरसी जथुमफोरा जी.एस.टी.नि सोमोन्दै खाजोना होग्राफोरनि अजद आरो मावफुंआरि जेंनाफोरखौ सुस्रांनो थाखाय डिजाइन खालामनाय जादों, लोगोसे अजद फोजोबनाय बिखान्थियाव रोखाथिखौ रोखा खालामनाय।

ALSO READ: इजराइल आरो इराननि गेजेराव जेंनानि सायाव ट्राम्पनि बिबुंथिनि उनाव थावनि बेसेना गोख्रैयै बांदों

सावरायनायाव, सी.एन.सी.सी.आई. नि आफादगिरि ड. खेकुघा मुरु आरो बाननि आफादगिरि मंखुम जामिरआ ओनसोलारि फालांगियाव गोहोम खोख्लैनाय गोनां आयदाफोरनि सायाव नोजोर होदोंमोन। फिननायाव गाहाय कमिसनारआ बोसोन होदोंमोन दि मिरु आरो रायजो जि.एस.टि. मावख'फोरा उफ्रा सांग्रांथि हाबाफारि खुंनांगौ। बिथाङा जी.एस.टी. मित्र हाबाफारिखौबो जुरिजेनदोंमोन, जाय जि.एस.टि. सोलोंग्रा जानो लुबैग्राफोरखौ हेफाजाब होनो थाखाय मोनसे फोरोंथाय आरो फोरमानलाइ नाजानाय।

सावरायजानाय गुबुन आयदाफोरनि मादाव खाजोना रेहाय होनायनि सिमाखौ साबसिन खालामनाय, निमाहा बिथांखिफोरनि थाखाय जोबथा समखौ गोलाव खालामनाय आरो मोन्नै खाजोनानि जिंगा सिनायफोर दंमोन।

बे जथुमाया लेङाइ कमिसनार सी.जी.एस.टी., अट्ट' येपुथोमीनि साबायखर बिबुंथिजों जोबो, जाय स्टेकहोल्डरफोरखौ जी.एस.टी.जों सोमोन्दो थानाय सान्नायफोरखौ लाबोनो आरो फोजोबनो थाखाय जीआरसी प्लेटफर्मखौ बाहायबाय थानो खावलायदोंमोन।