ভাৰতীয় ৰিজাৰ্ভ বেংকে ২০২৫ বিত্তীয় বৰ্ষৰ শেষত চাৰি বছৰৰ ভিতৰত সৰ্ববৃহৎ মুক্ত বজাৰ অভিযান (OMO) চলাইছে। মঙলবাৰে কেন্দ্ৰীয় বেংকে ৮০ হাজাৰ কোটি টকাৰ চৰকাৰী ছিকিউৰিটি ক্ৰয় কৰাৰ কথা ঘোষণা কৰে। এই ক্ৰয় চাৰিটা কিস্তিত কৰা হ’ব। ৩ এপ্ৰিল, ৮ এপ্ৰিল, ২২ এপ্ৰিল আৰু ২৯ এপ্ৰিলত প্ৰতিবাৰেই ২০ হাজাৰ কোটি টকাৰ বণ্ড ক্ৰয় কৰা হ’ব।
মাৰ্চ মাহত আৰ বি আইয়েও এক লাখ কোটি টকা বিনিয়োগ কৰিছিল।
এই পদক্ষেপ আৰ বি আইৰ পূৰ্বৰ কাম-কাজৰ অংশ। আনকি মাৰ্চ মাহতো কেন্দ্ৰীয় বেংকে বজাৰত ১ লাখ কোটি টকাৰ লিকুইডিটি (নগদ ধন) সুমুৱাই দিছিল, যিটো দুটা ট্ৰেঞ্চত ৫০,০০০-৫০,০০০ কোটি টকা আছিল। বজাৰৰ অৱস্থা আৰু লিকুইডিটিৰ ওপৰত চকু ৰাখিছে আৰু প্ৰয়োজন হ’লে অধিক পদক্ষেপ গ্ৰহণ কৰিব বুলিও উল্লেখ কৰে আৰ বি আইয়ে।
জানুৱাৰী মাহত ঘাটিৰ পৰা মাৰ্চ মাহত উদ্বৃত্ত পৰিস্থিতি
ভাৰতীয় বেংকিং ব্যৱস্থাত ২০২৫ চনৰ মাৰ্চ মাহৰ শেষলৈকে ৮৯,৪০০ কোটি টকা উদ্বৃত্ত আছিল, আনহাতে জানুৱাৰী মাহত ৩.৩ লাখ কোটি টকাৰ ঘাটি আছিল। অৰ্থাৎ আৰ বি আইৰ হস্তক্ষেপৰ ফলত পৰিস্থিতি বহুখিনি উন্নত হৈছে।
ALSO READ: প্ৰাকৃতিক সামগ্ৰীৰে তৈয়াৰী কি এই BIKALPA চাওঁ আহক
আৰ বি আইৰ এই পদক্ষেপ কিয় প্ৰয়োজনীয়?
অর্থনৈতিক পুনৰুদ্ধাৰ এতিয়াও সম্পূর্ণ পথত হোৱা নাই৷
মুদ্ৰাস্ফীতি আৰু উদ্যোগ বৃদ্ধিৰ গতি মন্থৰ হোৱাৰ লক্ষণ দেখা গৈছে।
বিশ্বৰ অৰ্থনৈতিক মন্দাৱস্থা আৰু ৰাছিয়া-ইউক্ৰেইন যুদ্ধই ভাৰতৰ বজাৰত প্ৰভাৱ পেলাইছে।
আৰ বি আইৰ এই সিদ্ধান্ত বজাৰখনক স্থিৰতা প্ৰদানৰ প্ৰয়াস।
এতিয়া ৯০ বছৰৰ আৰ বি আইৰ যাত্ৰাৰ এক নতুন অধ্যায়
ভাৰতীয় ৰিজাৰ্ভ বেংকৰ গৱৰ্ণৰ সঞ্জয় মালহোত্ৰাই আৰ বি আইৰ ৯০ সংখ্যক প্ৰতিষ্ঠা দিৱস উপলক্ষে মুম্বাইত আয়োজিত এক অনুষ্ঠানত কয় যে অহা দশকে ভাৰতীয় অৰ্থনীতিৰ বিত্তীয় স্থাপত্যক নতুন ৰূপ দিয়াৰ ক্ষেত্ৰত গুৰুত্বপূৰ্ণ ভূমিকা পালন কৰিব। তেওঁ কয়, "৯০ বছৰ পূৰ্বে ভাৰতৰ মুদ্ৰা আৰু আৰ্থিক স্থিতিশীলতাৰ ৰক্ষক হিচাপে আৰ বি আই প্ৰতিষ্ঠা হৈছিল। এই ৯ দশকত আমি পৰিৱৰ্তিত অৰ্থনৈতিক পৰিস্থিতিৰ লগত খাপ খাই পৰিছো, কিন্তু দেশৰ প্ৰগতি আৰু জনসাধাৰণৰ কল্যাণৰ প্ৰতি আমাৰ সংকল্প সদায় শক্তিশালী হৈ আছে।"b
FIRST Business Portal addressing the potential of business capability of North East Region.
