ৰাজ্যসমূহলৈ কেন্দ্ৰৰ উপহাৰ, ১.৪৬ লাখ কোটি টকাৰ অতিৰিক্ত সাহায্য মুকলি

কেন্দ্ৰীয় বিত্তমন্ত্ৰী নিৰ্মলা সীতাৰমনে কয় যে চৰকাৰে মূলধনী ব্যয়ৰ কোনো ধৰণৰ হ্ৰাস কৰা নাই। তেওঁ আৰু কয় যে ইয়াৰ বাবে কেন্দ্ৰীয় চৰকাৰে ৰাজ্যসমূহক ১.৪৬ কোটি টকা মুকলি কৰি দিছে, যিটো মাৰ্চ মাহত আবণ্টিত বাজেটতকৈ পঁয়নব্বৈ শতাংশ অধিক।

কেন্দ্ৰীয় মন্ত্ৰীগৰাকীয়ে সংসদত দিয়া বিবৃতিত কয় যে ৰাজ্য চৰকাৰসমূহক চলি থকা আঁচনিসমূহ অব্যাহত ৰাখিবলৈ অনুৰোধ জনোৱা হৈছে, সেয়েহে সেই আঁচনিৰ বাবে কেন্দ্ৰৰ পৰা আবণ্টন বৃদ্ধি পাইয়েই থাকে।

তেওঁ কয় যে যোৱা এটা বছৰ অৰ্থাৎ ২০২৪-২৫ চনৰ ভিতৰত নাগালেণ্ড, মণিপুৰ, ৰাজস্থান আৰু অন্ধ্ৰ প্ৰদেশৰ পৰা এনে অনুৰোধ আহিছিল। বিত্তমন্ত্ৰীগৰাকীয়ে কয় যে মূলধনী ব্যয়ৰ বহুমাত্ৰিক প্ৰভাৱ পৰে আৰু অৰ্থনীতিৰ কাৰ্যক্ষমতা বৃদ্ধি কৰে, যাৰ বাবে এই আঁচনিখন প্ৰতিটো বিত্তীয় বৰ্ষত অন্তৰ্ভুক্ত কৰা হৈছিল।

কেন্দ্ৰীয় বিত্তমন্ত্ৰীগৰাকীয়ে কয় যে এই বিশেষ সাহায্য আঁচনিৰ অধীনত আৰু প্ৰায় ৩,২৭,৫৫৮ কোটি টকা ৰাজ্যসমূহক মুকলি কৰি দিব লাগিব। ২০২৫ বিত্তীয় বৰ্ষত এই আঁচনিৰ বাবে মুঠ ১,৫৩,৬৭৩ কোটি টকা ধাৰ্য কৰা হৈছিল।

ALSO READ: উচ্চ মানৰ বাঁহৰ সামগ্ৰী তৈয়াৰ কৰা কি এই Bamboostan?

কংগ্ৰেছ নেত্ৰী পি চিদাম্বৰমৰ প্ৰশ্নৰ উত্তৰ দি নিৰ্মলা সীতাৰমণে কয় যে কেন্দ্ৰই মূলধনী ব্যয়ৰ কোনো হ্ৰাস কৰা নাই আৰু ২০২৫ বিত্তীয় বৰ্ষত মূলধনী ব্যয় ১১.১১ লাখ কোটি টকা হোৱাৰ বিপৰীতে ২০২৬ বিত্তীয় বৰ্ষত ১১.২১ লাখ কোটি টকালৈ বৃদ্ধি পাইছে।

তেওঁ কয় যে ৰাজ্যসমূহক মূলধনী ব্যয়ৰ বাবে ৫০ বছৰৰ সুতমুক্ত ঋণৰ ৰূপত বিশেষ সাহায্যৰ আঁচনি ২০২০ চনৰ অক্টোবৰ মাহত আৰম্ভ কৰা হৈছিল।কিন্তু, ক’ৰ’না মহামাৰীৰ সময়ত এই আঁচনিখন কঠিন বিত্তীয় পৰিস্থিতি আৰু কৰ ৰাজহ হ্ৰাসৰ সময়ত আৰম্ভ কৰা হৈছিল।