অনলাইন খাদ্য আৰু গেলামালৰ ডেলিভাৰী কোম্পানী জোমাটোত পুনৰ চাকৰিৰ পৰা ছুটী দিয়া হৈছে। কোম্পানীটোৱে ৬০০ৰো অধিক গ্ৰাহক সহায়ক কাৰ্যবাহীক নিযুক্তি দিয়াৰ এবছৰৰ ভিতৰতে চাকৰিৰ পৰা বৰ্খাস্ত কৰিছে। যি সময়ত কোম্পানীটোৱে এই পদক্ষেপ গ্ৰহণ কৰিছে যি সময়ত তেওঁলোকৰ খাদ্য ডেলিভাৰী ব্যৱসায় বৃদ্ধিৰ সাক্ষী হৈ আছে। আনহাতে, ইয়াৰ সহযোগী কোম্পানী কুইক কমাৰ্চ কোম্পানী ব্লিংকিটেও ধাৰাবাহিক লোকচানৰ সন্মুখীন হৈছে।
মানিকণ্ট্ৰলৰ এক প্ৰতিবেদন অনুসৰি কোম্পানীটোত জোমাটো এছ’চিয়েট এক্সিলেৰেটৰ প্ৰগ্ৰেম (জেএএপি)ৰ অধীনত ১৫০০ কাষ্টমাৰ কেয়াৰ এক্সিকিউটিভ নিযুক্তি দিয়া হৈছিল। কোম্পানীটোত এবছৰ সম্পূৰ্ণ কৰি পদোন্নতিৰ আশাত থকা এই কৰ্মচাৰীসকলে কোম্পানীয়ে চাকৰিৰ পৰা বৰ্খাস্ত কৰাৰ কথা ঘোষণা কৰাৰ সময়ত বিপদত পৰিছিল। ইয়াৰে অধিকাংশই এনে কৰ্মচাৰী যাৰ চুক্তি নবীকৰণ কৰা হোৱা নাছিল আৰু কোনো জাননী অবিহনে চাকৰিৰ পৰা বৰ্খাস্ত কৰা হৈছিল। ইয়াত কোম্পানীয়ে ছুটীৰ কাৰণ হিচাপে দুৰ্বল প্ৰদৰ্শন, অনুশাসনহীনতা, গ্ৰাহক সহায়ত এআইৰ ব্যৱহাৰ বৃদ্ধি আৰু খৰচ কৰ্তনৰ কথা উল্লেখ কৰিছে।
ALSO READ: শ্বেয়াৰ বজাৰত হাহাকাৰ, চেন্সেক্স ১৩০০ পইণ্ট হ্ৰাস , এই ৩টা ডাঙৰ কাৰক বৃহৎ পতনৰ বাবে দায়ী
আজিকালি কোম্পানীটোৱে গ্ৰাহক সহায়ক সেৱা স্বয়ংক্ৰিয় কৰাৰ ওপৰত গুৰুত্ব আৰোপ কৰিছে আৰু ইয়াৰ বাবে কৃত্ৰিম বুদ্ধিমত্তা (AI)ৰ ব্যৱহাৰ ক্ৰমান্বয়ে বৃদ্ধি পাইছে। শেহতীয়াকৈ কোম্পানীটোৱে নাগেট নামৰ এআই-জেনেৰেটেড কাষ্টমাৰ চাপৰ্ট প্লেটফৰ্ম মুকলি কৰিছে। প্ৰতিমাহে ১.৫ কোটি গ্ৰাহকৰ যোগাযোগত ইয়াৰ ব্যাপক ব্যৱহাৰ কৰা হৈছে।একে সময়তে যদি আমি কোম্পানীটোৰ বিত্তীয় প্ৰদৰ্শনৰ কথা কওঁ, তেন্তে ২০২৪-২৫ বিত্তীয় বৰ্ষৰ তৃতীয় ত্ৰৈমাসিকত কোম্পানীটোৰ নিকা লাভ ৫৭ শতাংশ হ্ৰাস পাই ৫৯ কোটি টকা হৈছে। আনহাতে যোৱা বছৰৰ একে সময়ছোৱাত ১৩৮ কোটি টকা আছিল।
FIRST Business Portal addressing the potential of business capability of North East Region.
