business-northeast-logo

IPO ৰ বাবে আকৌ এবাৰ আবেদন কৰিব OYO য়ে, জানি লওঁক কোম্পানীটোৰ ভৱিষ্যত পৰিকল্পনা

BNE News Desk


Spread the love

শ্বাৰ্ক টেংক ইণ্ডিয়াৰ ন্যায়াধীশ ৰিতেশ আগৰৱালাৰ কোম্পানী OYO ই দীৰ্ঘদিন ধৰি IPO আৰম্ভ কৰাৰ চেষ্টা চলাই আহিছে। কোম্পানীটোৱে পুনৰবাৰ আই পি অ’ৰ বাবে আবেদন কৰিব পাৰিব। ইয়াৰ পূৰ্বে কোম্পানীটোৱে আই পি অ’ৰ বাবে বজাৰ নিয়ন্ত্ৰক ছেবিৰ ওচৰত নথি দাখিল কৰিছিল যদিও পিছত কোম্পানীটোৱে সেই নথি প্ৰত্যাহাৰ কৰে। পিটিআই নিউজৰ মতে, এতিয়া কোম্পানীটোৱে ৰিফাইনেন্সিং প্লেনৰ জৰিয়তে ৪৫ কোটি ডলাৰ সংগ্ৰহ কৰাৰ চেষ্টা কৰিছে।

বজাৰৰ পৰা ধন সংগ্ৰহৰ বাবে আই পি অ’ আৰম্ভ কৰাৰ বাবে অয়’ই দীৰ্ঘদিন ধৰি প্ৰস্তুতি চলাইছিল যদিও কিছুদিন পূৰ্বে ছেবিত দাখিল কৰা ড্ৰাফ্ট ৰেড হেৰিং প্ৰস্পেক্টচ (ডি আৰ এইচ পি) প্ৰত্যাহাৰ কৰিবলৈ কোম্পানীটোৱে আবেদন জনাইছে। প্ৰথমে বণ্ডৰ জৰিয়তে ধন সংগ্ৰহ কৰি তাৰ পিছত ডি আৰ এইচ পিৰ আপডেট কৰা সংস্কৰণটো আকৌ এবাৰ ছেবিলৈ জমা দিয়াৰ চেষ্টা কৰিছে কোম্পানীটোৱে।

২০২১ চনৰ ছেপ্টেম্বৰ মাহত অয়’ই ছেবিক ৮৪৩০ কোটি টকা সংগ্ৰহৰ বাবে নথি দাখিল কৰিছিল। সেই সময়ত বজাৰৰ অস্থিৰতাৰ বাবে কোম্পানীটোৱে আই পি অ’ আৰম্ভ কৰিব পৰা নাছিল। ইয়াৰ পিছত কোম্পানীটোৱে নিজৰ মূল্য ১১ বিলিয়ন ডলাৰৰ পৰা ৪-৬ বিলিয়ন ডলাৰলৈ হ্ৰাস কৰে।

২০২১ চনত বজাৰৰ উত্থানৰ সুযোগ লৈ বহু কোম্পানীয়ে আই পি অ’ আৰম্ভ কৰিছিল যদিও যোৱা কেইমাহমানত বজাৰৰ ধাৰা ওলোটা হৈ পৰিছিল আৰু আই পি অ’ আৰম্ভ কৰা কোম্পানীসমূহ হতাশ হৈছিল। বিশেষকৈ আই পি অ’ৰ পিছত নতুন যুগৰ টেক কোম্পানীসমূহৰ শ্বেয়াৰৰ প্ৰদৰ্শনত বেয়াকৈ প্ৰভাৱ পৰিছিল। সেই পৰিস্থিতিৰ প্ৰতি লক্ষ্য ৰাখি অয়’কে ধৰি বহু আই পি অ’ পিছুৱাই দিয়া হৈছিল। এতিয়া বজাৰৰ উন্নতি হোৱাৰ পিছত আকৌ এবাৰ আই পি অ’ৰ ক্ষেত্ৰত উত্থান ঘটিছে আৰু বজাৰৰ কাম-কাজ উচ্চ পৰ্যায়ত চলি আছে।

ALSO READ: বিগত বছৰত ২ লাখ কোটিতকৈও অধিক উপাৰ্জন কৰি কেনেকৈ ধন ঘটে ৰিজাৰ্ভ বেংকে ?

BNE News Desk